Астанада бірінші ауысым оқушылары қашықтан оқиды

5 Желтоқсан 2023, 07:27
499
Бөлісу:
Астанада бірінші ауысым оқушылары қашықтан оқиды
Фото: Архив BAQ.KZ

Ауа райының күрт суытуына байланысты 2023 жылғы 5 желтоқсанда 0-11 сынып оқушылары мен бірінші ауысымдағы колледждердің 1-2 курс студенттері қашықтан оқыту форматына ауыстырылды, деп хабарлайды BAQ.KZ Астана қалалық білім басқармасына сілтеме жасап.

«Қазгидромет» РМК деректері бойынша Астанада 5 желтоқсан күні боран, көктайғақ, екпіні 23 м/с дейін жел күшейеді деп болжанып отыр.

Ауа райының қолайсыздығына байланысты Астана әкімдігі қала тұрғындары мен қонақтарынан жазатайым оқиғаларға тап болмас үшін көшеде жүргенде өте мұқият және сақ болуды сұрайды.

Қаланың коммуналдық қызметтері күшейтілген режимде жұмыс істеп жатыр.

Өзгелердің жаңалығы