24 қарашада Астанада 2008 жылы туған және одан кіші ұлдар мен қыздар арасында ауыр атлетикадан Қазақстан Республикасының жеке-командалық чемпионаты басталады, деп хабарлайды BAQ.KZ.
Турнир Баршын көшесі, 30/2 мекенжайындағы № 5 ЖМББМ ғимаратында өтеді.
Алдын ала өтінім бойынша ауыр атлетикадан Қазақстан чемпионатына республиканың барлық облыстары мен Астана, Алматы, Шымкент қалаларынан 180-ден астам спортшы қатысады.
Жарыс қорытындысы бойынша әр салмақ дәрежесінде медальдар мен дипломдар жиынтығы ойналады, сондай-ақ жалпы командалық есепте жеңімпаздар мен жүлдегерлер аталады.
Чемпионаттың ашылу салтанаты 24 қарашада өтеді, жарыс 29 қарашаға дейін жалғасады.
