Бүгін Астанада Ботаникалық саябақтың аумағында Әкелер күнін мерекелеу аясында Ақпарат және қоғамдық даму министрлігі, Астана қаласы әкімдігінің қолдауымен «Әке – отбасының тірегі» open talks Фестивалі өткізіледі, деп хабарлайды BAQ.KZ.
Іс-шараның негізгі мақсаты - дәстүрлі отбасылық құндылықтарды насихаттау, ымталы ата-ана болу идеясын насихаттау, сондай-ақ ата-ана тәрбиесіндегі Әкелердің рөлінің маңыздылығын көрсету.
Айта кету керек, биыл мереке алғаш рет аталып өтіліп жатыр.
Іс-шараға Қазақстан Республикасы Премьер–министрінің орынбасары - Еңбек және халықты әлеуметтік қорғау министрі Т. Дүйсенова, Үкімет мүшелері, Қазақстан Республикасы Парламентінің депутаттары, жергілікті атқарушы органдардың, үкіметтік емес ұйымдардың өкілдері және т.б. қатысу жоспарланған.
Іс-шара аясында Әкелер күніне орай әлеуметтік жобалар жәрмеңкесі, мерекелік концерт және балалар шығармашылығы көрмесі ұйымдастырылады.
