Нұр-Сұлтан, BAQ.KZ. Ресейде дүниеге келген этникалық қазақ Арман Дәулетияров «Муз-ТВ» арнасының бас директоры қызметінен кететінін хабарлады.
Ол бұл арнада 2008 жылдан бастап жұмыс істеді. 2009 жылы арнаның музыкалық жетекшісі және жыл сайынғы өтетін музыкалық сыйлықтың директоры болды. Ол 2013 жылдан бастап арнаның бас директоры қызметін атқарды.
«Муз-ТВ-ның» алғашқы күндерінен қызмет атқардым. Осы 25 жылдың 20 жылында бірге болдық, арнамен бірге әртістер мен көрерменнің бірнеше буыны қатар өскеніне қуаныштымын. Арнаның командасына адалдығы мен кәсіби шеберлігі үшін рахмет. (...).Елуге толған соң жайлы аймақтан шығып, әрі қарай жаңа мақсаттар мен жетістіктерге жету үшін өзіме қарсы шыққым келетінін түсіндім. «МУЗ-ТВ» арнасындағы қызметімнен кетемін, алайда менің жүрегім мен жаным мәңгіге сол жерде қалады, - деп жазды Арман Дәулетияров Instagram-дағы парақшасында.
Енді бас директор қызметін TNT MUSIC пен A-One телеарнасының бұрынғы бас директоры Захар Бибин атқарады.
Айта кетейік, Арман Дәулетияров – этникалық қазақ. Орынбор облысындағы Тамар-Уткуль шағын ауылында туған. 2001 жылы Давлетьяров өзінің «Музыкалық бірлік» өндірістік компаниясын ашты. Ол A`Studio, «Динамит», Мұрат Насыров, Батырхан Шүкенов сияқты танымал музыкалық топтармен және суретшілермен жұмыс істеді.
