Жол-көлік оқиғасына "Nissan X-Trail", "Hyundai Getz" және "Lexus LX 470" көліктері қатысқан. Аталған учаскеде бұған дейін жөндеу жұмыстары жүргізіліп, жолдың бір бөлігі пайдалануға берілген.
Апат салдарынан "Hyundai Getz" көлігінің жүргізушісі оқиға орнында қайтыс болды. Осы көлікте болған екі жолаушы Хромтау аудандық орталық ауруханасына жеткізілді.
Аталған факті бойынша қылмыстық іс қозғалды, – деп хабарлады Ақтөбе облыстық полиция департаментінің баспасөз қызметі.
