Тоқаев ТМҰ+ форматына қатысты жаңа бастама көтерді
Президент нақты талаптар жайлы айтты.
Президент Қасым-Жомарт Тоқаев Түркі мемлекеттері ұйымы+ форматы аясындағы ынтымақтастықты кеңейтуді қолдайтынын айтып, оған қосылғысы келетін мемлекеттер мен ұйымдарға арналған нақты критерийлер болуы керек екенін мәлімдеді, деп хабарлайды BAQ.KZ тілшісі.
Сонымен қатар Қазақстан Ресейдің «Алтай – түркілердің ата жұрты» жобасын қолдап, Трансалтай диалогын құруды ұсынды.
Біз Ресейдің «Алтай – түркілердің ата жұрты» жобасын қолдадық. Сондай-ақ Трансалтай диалогын құру жөніндегі ұсынысымызды жарияладық. Еліміз ынтымақтастықты кеңейтуге бағытталған Түркі мемлекеттері ұйымы+ форматын құру бастамасын қолдады. Меніңше, бұл форматқа қосылғысы келетін мемлекеттер мен ұйымдарға қатысты белгілі бір критерийлер болуы керек, – деді Тоқаев Түркістанда өткен Түркі мемлекеттері ұйымының бейресми саммитінің ашылуында сөйлеген сөзінде.
Еске салайық, Түркістанда Қасым-Жомарт Тоқаев пен түркі мемлекеттері көшбасшыларының қатысуымен Түркі мемлекеттері ұйымының бейресми саммиті өтіп жатыр.
Сондай-ақ, Қасым-Жомарт Тоқаев Өзбекстан Президенті Шавкат Мирзиёевпен бірге Түркістандағы жаңа мешітті аралап көрді.
Президент Қазақстанда «Digital Qazaqstan» ауқымды стратегиясы бекітілетінін айтты.