Қазақстандық теннисші Әмір Омарханов ITF M25 санатындағы турнирінің финалына жолдама алды, деп хабарлайды BAQ.KZ.
Қазақстандық теннисші италиялық Александр Биндамен бірге жартылай финалда Федерико Яннаконне (Италия) мен Георгий Кравченконы (Украина) 6:3, 6:3 есебімен жеңді.
Финалда Әмір мен Александр италиялық Томаззо Компануччи және ресейлік Кирилл Киватцевпен кездеседі. Шешуші матч 16 мамыр күні өтеді.
Бұл – Әмірдің ересектер арасындағы ITF аясындағы турнирдегі алғашқы финалы. Ал жекелей сын бойынша 2024 жылы Астанада өткен ITF M25 турнирінің жартылай финалына шыққан еді.
