Алматы, BAQ.KZ. Коммуналдық қызметтер түбіртектерінде байқалған жылу бағасының өсуі тарифтің көтерілуімен байланысты емес. Бұл туралы қала әкімдігі хабарлады.
Үйге ортақ жылу энергиясын есептейтін аспаптармен (ҮОЖЭЕА) жарақталған көп пәтерлі тұрғын үйлер (КПТҮ) үшін тарифтің өзі (жылу энергиясын өлшеу және есептеу үшін белгілі бір кезеңге монополияға қарсы ведомство бекіткен константа) өспеген.
Ағымдағы жылыту маусымында тариф ҚҚС-ты қосқанда 4810,63 тг/Гкал-ға тең. Сонымен бірге, қолданыстағы заңнамада белгіленген және бекітілген жылумен жабдықтау қызметтерін пайдалану қағидалары мен нормативтеріне сәйкес, тұтынушы орталықтандырылған жылыту және ыстық су үшін өзі тұратын КПТҮ-де орнатылған ҮОЖЭЕА көрсеткіштері бойынша ғана төлейді. Дәл осы құрылғы жылу энергиясын жеткізуші – «Алматы жылу жүйесі» (АлЖЖ) ЖШС-дан үйге келіп түскен жылу энергиясының көлемін бақылайды, бұл құрылғы үйдің жылу энергиясын қанша тұтынғанын есепке алады және адамдарға ыңғайлы болу үшін оны гигакалориялардан жылытылатын алаңның бірлігіне шаққандағы бағаға қайта есептейді, - делінген хабарламада.
Тариф тұрақты болғанымен жылытылатын алаңның бірлігіне шаққанда баға әр түрлі жағдайға байланысты өзгеретін көрінеді.
Ең алдымен, сыртқы ауа температурасына байланысты. Ол төмендеген кезде ғимараттарда қолайлы жағдайды қамтамасыз ету үшін жылу тасымалдағыштың (жылытылатын судың) температурасын көтеру қажет. Басқаша айтқанда, жылу энергиясын өндіретін кәсіпорындар (ЖЭО, қазандықтар) қалаға қажетті жылу тасымалдағыштың температурасына жету үшін отынды (газ, көмір) көбірек жұмсауға мәжбүр. Яғни, егер сыртта жылы болса, онда салқындатқыштың температурасы төмен (бірақ +65 градустан төмен емес), ал төлем ҮОЖЭЕА ескерген нақты жылу шығыны бойынша аз болады. Ал керісінше, далада неғұрлым суық болса, жылу бағасы соғұрлым жоғары болады, - делінген хабарламада.
