Алматыда жаппай веложарыс өтеді

Алматыда жаппай веложарыс өтеді
561

2 қазанда Алматыда тұрақты дамуды ілгерілетуге арналған Orange BeNeLux Bicycle Tour қалалық велошеруі өтеді, деп хабарлайды BAQ.KZ.

Оңтүстік астана әкімдігібаспасөз қызметінің хабарлауынша, велошеруге 16 жастан асқан мыңға жуық адам қатысады.

Жалпы қашықтығы – 15 шақырым. Велошеру сағат 9:00-де Розыбакиев көшесіндегі MEGA Center Alma-Ata сауда-ойын-сауық орталығы аумағында басталады. Одан әрі бағыт әл-Фараби даңғылының бойымен жалғасады.

Осыған байланысты Розыбакиев көшесі – Левитан көшесінен Малахов көшесіне дейін сағат 6.00-ден 10.00-ге дейін, әл-Фараби даңғылы (оңтүстік жағы) - Розыбакиев көшесінен Назарбаев даңғылына дейін шығыс бағытта сағат 9.00-ден 9.30-ға дейін (велошеру жүріп өткен сайын қозғалыс ашылып отырады), әл-Фараби даңғылы Назарбаев даңғылынан Розыбакиев көшесіне дейін батыс бағытта - 9.05-тен 10.00-ге дейін жабылады, – делінген Алматы қаласы әкімдігінің баспасөз қызметі хабарламасында.

Велошерудңің бастамашысы – Қазақстандағы Нидерланды Корольдігінің Елшілігі. Велошерудің ұйымдастырушылары – Қазақстан велоспорт федерациясы мен Қазақстан триатлон федерациясы. Іс-шара Алматы қаласы әкімдігінің қолдауымен өтеді.

Orange BeNeLux Bicycle Tour мына идеяларды ұсынады:

велосипедтерді көлік құралы ретінде пайдалану мен жол қауіпсіздігін жақсарту, сонымен қатар оларды тұрақты ұтқырлық пен көлік инфрақұрылымын жоспарлау мен жобалауға біріктіру;

барлық адам үшін (ерлер мен әйелдер, ересектер мен кәмелетке толмағандар) дене тәрбиесін, салауатты өмір салтын, аурудың алдын-алуын, дене және психикалық денсаулық пен салауаттылықты нығайтуды насихаттау;

толеранттылықты, өзара түсіністікті және әлеуметтік интеграцияны насихаттау.

Велошеруден кейін AlmaU Университетінде Нидерланды Корольдігінің Елшілігі мен Urban Forum Kazakhstan қоғамдық қорының ұйымдастыруымен панельдік пікірталас өтеді.

Талқылау велосипед инфрақұрылымы мен оған қатысты тақырыптарға арналады, – делінген Алматы қаласы әкімдігінің баспасөз қызметі хабарламасында.

Сонымен қатар, қатысушыларға Dutch Cycling Embassy ұйымының "Озық тәжірибе. Нидерландыдағы велосипед мәдениеті" кітабының үш тілде басылған шектеулі даналары беріледі. Талқылауға Urban Forum Kazakhstan, Нидерланды және т.б. сарапшылары қосылады.

Күні мен уақыты: 2 қазан, 09:00 – велошерудің басталуы, 11:00 – панельдік пікірталастың басталуы. Өтетін орны: Mega Center Alma-Ata сауда-ойын-сауық орталығы, AlmaU Университеті

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы