Алматыда туберкулезбен күрес күніне арналған конференция өтеді

21 Наурыз 2023, 21:30
1085
Бөлісу:
Алматыда туберкулезбен күрес күніне арналған конференция өтеді
Фото: Егемен Қазақстан

Алматыда 24 наурыз күні дүниежүзілік туберкулезбен күрес күніне арналған "Біз туберкулезді жеңе аламыз" атты ұранмен республикалық ғылыми-практикалық конференция өтеді, деп хабарлайды BAQ.KZ.

Конференцияның мақсаты – туберкулездің мемлекеттің әлеуметтік-экономикалық дамуына әсері туралы негізгі тұлғалар мен шешім қабылдаушылар арасында хабардарлықты арттыру, сондай-ақ қоғамды туберкулезге жұмылдыру ұранына сәйкес қазіргі заманғы сын-тегеуріндерге тиімді қарсы тұру қажеттігін барлығына еске салу. Бұл ауруды денсаулық сақтау мәселесі ретінде жоюдың ең жақсы тәжірибелерін енгізу және тарату.

Конференция жұмысына ҚР Денсаулық сақтау министрлігінің, ҚР ДСМ Ұлттық Қоғамдық денсаулық сақтау орталығының, бейінді қауымдастықтардың, ҮЕҰ өкілдері, сондай-ақ халықаралық әріптестер (USAID, Жаһандық қор, AFEW Kazakhstan, Public Fund MAD Consulting) қатысады.

Конференция шеңберінде Қазақстанда және әлемде туберкулез және туберкулез бойынша эпидемиологиялық ахуал бойынша жетекші отандық және шетелдік мамандардың жаһандық және өңірлік деңгейлердегі басым іс-қимылдары, МСАК мекемелерінде туберкулезді ерте анықтау мен табысты емдеуді ұйымдастыру, жасырын туберкулез инфекциясын анықтау мен емдеуді ұйымдастыру, туберкулез бойынша ақпараттық жұмысты ұйымдастыру және жүргізу туралы баяндамалары айтылады. 

Іс-шара ҚР Денсаулық сақтау министрлігінің фтизиопульмонология Ұлттық ғылыми орталығыныің, Қазақстандық Фтизиопульмонологтар Қауымдастығының, Қазақстандағы жаһандық қор жобасының және АҚШ-тың Орталық Азиядағы Халықаралық даму агенттігінің (USAID) қолдауымен ұйымдастырылып отыр.

Өзгелердің жаңалығы