Алматыда "Qnet" қаржы пирамидасын басқарған күдікті ұсталды

28 Наурыз 2023, 09:49
517
Бөлісу:
Алматыда "Qnet" қаржы пирамидасын басқарған күдікті ұсталды
Фото: Shutterstock

Алматы аумағында "Qnet" қаржы пирамидасына басшылық жасаған күдікті ұсталды, деп хабарлайды BAQ.KZ ҚМА баспасөз қызметіне сілтеме жасап.

ҚР Қаржылық мониторинг агенттігі қаржы пирамидаларын жою бойынша жүйелі жұмысты жалғастыруда.

Мәселен, ҚМА Алматы қаласы бойынша департаменті қалалық прокуратурамен бірлесіп оңтүстік мегаполис аумағында "Qnet" қаржы пирамидасын басқару фактісі бойынша күдіктіні ұстады. Ол азаматтардан ақша жинап, біреуінің жарналарының есебінен басқа қатысушыларды байыту мақсатында қайта бөлді.

Айта кету керек, "Qnet" қызметі желілік маркетинг және электрондық коммерция түрінде жасырылған. Бірқатар шет елдерде "Qnet" компаниясы қаржы пирамидасы болып танылды. Сондай-ақ оны ҚР Қаржы нарығын реттеу және дамыту агенттігі қаржы пирамидасының белгілері бар компаниялар тізіміне енгізді.

Алматы қаласының мамандандырылған тергеу соты күдіктіге қатысты 2 айға "қамауда ұстау" түріндегі бұлтартпау шарасына санкция берді. ҚР ҚПК-нің 201-бабына сәйкес өзге де ақпарат жария етуге жатпайды. ҚМА азаматтарды қырағы болуға және өз жинақтарын күмәнді қаржы ұйымдарына салмауға шақырады. Егер сіз және сіздің жақындарыңыз "Qnet" компанисяының қызметіне тап болса, ҚМА call-орталығына хабарласуыңызды сұраймыз, - делінген ведомство таратқан ақпаратта.

Естеріңізге сала кетейік, бұған дейін елордада осындай қаржы пирамидасын құру және басқару фактісі бойынша күдікті ұсталған болатын.

Өзгелердің жаңалығы