Алматыда Pfizer вакцинасын 12,5 мың бала алды
6 Желтоқсан 2021, 12:40 331

Алматыда Pfizer вакцинасын 12,5 мың бала алды

Алматы, BAQ.KZ. Алматы қаласы Қоғамдық денсаулық сақтау басқармасы Pfizer вакцинасын салу қалай жүріп жатқанын мәлімдеді.

Басқарманың мәліметінше, бүгінгі таңда Pfizer (Comirnaty) компаниясының вакцинасын 16 968 адам алған, оның ішінде 995 жүкті әйел, 3 513 бала емізетін ана және 12 460-і балалар мен жасөспірімдер.

Өткен тәулікте қала бойынша коронавирусқа қарсы вакцинаның 1-компонентін 536 адам, 2-компонетін 553 адам салдырды. Жыл басынан бері вакцинаның 1-компонентін 1 043 672 адам, 2-компонентін 975 812 адам алды. Вакцина алғандар ішінде 60 жастан асқан кісілер 122 544 адам, - делінген хабарламада.

Сондай-ақ кеше қалада 66 адамнан коронавирус анықталған, оның 60 симптомдық белгілері бар және 6 симптомсыз.

Бүгінгі таңда БМСК мен Телемедицина орталығы дәрігерлерінің бақылауында 636 науқас бар, олардың ішінде жеңіл және орташа ауырлық дәрежесінде 616, 20 науқаста симптомсыз, - делінген хабарламада.


Фото: ашық дереккөз
Загрузка...