Алматыда NEET жастарының үлесі 8,3% құрайды

7 Маусым 2023, 14:19
468
Бөлісу:
Алматыда NEET жастарының үлесі 8,3% құрайды
Фото: автордан

Алматыда Арбат алаңы мен Панфилов көшесінде бос жұмыс орындарының жәрмеңкесі өтті. Оған 200-ден астам ірі компания, 35 ЖОО, 20 колледж және 5000-нан астам жас қатысты, деп хабарлайды Алматыдағы BAQ.KZ тілшісі. 

Іс-шара қаламыздың 8 ауданында «Мансап күндері» атауымен жалғасын табады. 

Еске салайық, Алматы қаласында 255 мыңнан астам студент білім алуда. Жұмыссыз NEET жастарының үлесі 8,3% құрайды. Бұл санаттағы жастардың үлесін азайту мақсатында, бірқатар жұмыс атқарылмақ. 

Алматыда NEET жастарының үлесі 8,3% құрайды

Жұмыспен қамту және NEET санатындағы жастардың үлесін азайту Алматы қаласын 2025 жылға дейін дамыту бағдарламасының негізгі міндеттерінің бірі болып табылады. Өткен жылы біз 4 мыңнан астам жаңа жұмыс орнын аштық. Биыл 9 мыңнан астам жұмыс орны ашылады деп күтіледі. Мұндай шараларды өткізу – жастарды қолдау және NEET санатының үлесін азайтудағы маңызды қадам, – деді Алматы қаласы Жастар саясаты басқармасының басшысы Қайыржан Меңдіғалиев.

Алматыда NEET жастарының үлесі 8,3% құрайды

Ұйымдастырушылардың айтуынша, жобаның басты мақсаты – жастарға еңбек нарығы және оқу орындары туралы толық ақпарат беру.

Бүгінгі іс-шараға студенттерімізді де ала келдік. Бірқатар компаниямен таныс болып, жұмыс тауып жатқандары да жетерлік. Біздің мақсатымыз - тәжірибе мен теорияны ұштастыру, тұрақты жұмысқа орналастыру. Оқу орындарына, колледжге түсем десе де, жұмыс істеуіне де жол ашып, әртүрлі бағыттар ұсынылды, – деді Қазақ Ұлттық өнер университетінің қызметкері Аружан Танабекова. 

Жобаға белгілі спикерлер: Альмира Тұрсын, Ғани Абадан, Пак Элла, Әділет Рахметолла, Какенова Айжан, Керімбекова Әнел, Абай Омар қатысты. 

Өзгелердің жаңалығы