Алматы, BAQ.KZ. 2021 жылдың 30 желтоқсанында коронавирус жұқтырған 75 науқас тіркелді, оның 63-і симптомдық белгілері бар және 12-сі симптомсыз.
Қоғамдық денсаулық сақтау басқармасының мәліметінше, өткен тәулікте 21 адам жазылып шықса, 30 науқас ауруханаға түскен.
Инфекциялық стационарларда 135 адам ем алып жатыр, оның 4-і бала. Жалпы реанимация және қарқынды терапия бөлімшесінде – 29 науқас бар. ӨЖЖ – 10, инвазивті емес ӨЖЖ – 6, High flow-да 5 аппарат жұмыс істейді, – делінген хабарламада.
БМСК мен Телемедицина орталығы дәрігерлерінің бақылауында 395 науқас бар, олардың жеңіл және орташа ауырлық дәрежедегісі 368, симптомсыз 27.
Сондай-ақ өткен тәулікте коронавирусқа қарсы вакцинаның 1-компонентін 1 574 адам, 2-компонетін 1 564 адам алған.
Жыл басынан бері қала бойынша вакцинаның 1-компонентін 1 077 326 адам, 2-компонентін 1 018 890 адам салдырды. Вакцина алғандардың жалпы санынан 60 жастан асқан қарт кісілер 123 372 адамды құрайды. Бүгінгі таңда Pfizer (Comirnaty) компаниясының екпесімен 30 224 адам, оның ішінде 1 669 жүкті әйелдер, 6 054 емізулі аналар және 22 501 балалар мен жасөспірімдер егілді, – делінген хабарламада.
