Нұр-Сұлтан, BAQ.KZ. Әлеуметтік желілерде Алматыда "Қазақфильм" киностудиясында өрт болып жатыр деген хабарлама тарауда.
Өрт туралы хабарлама 14 тамызда сағат 21:33-те күзетшіден келіп түсті. Бостандық ауданы, әл-Фараби даңғылы, 176 үйдегі "Қазақфильм" аумағында екі оттың ошағы анықталды. Біріншісі, жеке сарайдың астында сақталған ағаш өртенген, сонымен қатар екі қабатты ағаш ғимарат жанған. Өрттің таралу қаупі жоқ. Зардап шеккендер туралы ақпарат түскен жоқ. Өртті сөндіруге ТЖД 53 адам мен 16 техникалық бөлім, полиция бөлімі және өзара әрекеттесу қызметтері тартылды, – деп хабарладыТЖД өкілдері.
