Алматыда 80 млн теңгенің жарық бағаналарын түн ішінде кесіп әкеткен

Алматыда 80 млн теңгенің жарық бағаналары ұрланды, деп хабарлайды BAQ.KZ Polisia.kz сайтына сілтеме жасай отырып.

Ұрлық Алатау ауданында болған. Кәсіпорындардың бірінің қызметкерлері жарықтандыру бағандарының кем екенін байқап, полицияға хабарлаған.

Ұрлық жасау деректері жазылған бейнебақылау жүйелері қылмысты ашуға жақсы көмек болды. Біздің ауданымызда 20-дан астам осындай эпизод жасалғаны белгілі болды. Қаскөйлер түнде ұрлық жасап жүрген. Олар ГАЗель жүк көлігімен келіп, жалға алынған манипуляторды айдап әкеліп, тура іргедегі шам бағандарын кесіп, ұрлап кеткен. Біз 50-ден астам ұрланған бағандарды тәркіледік. Айтпақшы, 32 жастағы және 24 жастағы екі ер адам ұсталды. Олар УҰИ-ға орналастырылды. Заттай айғақ тәркіленді, – деді Алатау аудандық полиция басқармасының бастығы Есен Ысқақов.

ҚР ҚК-нің 201-бабына сәйкес, өзге ақпарат тергеу мүддесіне орай жария етілмейді.