Алматы полицейлері пәтер ұрыларын ұстады

Алматы полицейлері пәтер ұрыларын ұстады
611

Нұр-Сұлтан, BAQ.KZ. Алматы полицейлері бірнеше рет сотты болған пәтер ұрыларын ұстағандарын мәлімдеді.

Алматы қалалық криминалдық полицияның мәліметінше, бұл топқа бірнеше рет сотталған екі ер адам кіреді. Олардың бірі – 29 жастағы Б.есімді азамат бөтеннің мүлкін ұрлау, тонау және адамның денсаулығына аса ауыр зиян келтіргені үшін үш рет жазасын өтеген.

Қылмыстың тағы бір сыбайласы – мүліктік қылмысы үшін сотты болған 35 жастағы К.есімді азамат.

Күдіктілерді ұстауға арналған арнайы іс-шара өткен кеште Самал шағын ауданында полицияның арнайы жасақтарының қолдауымен жүргізілді. Тұтқындаудан аз уақыт бұрын ұрылар жас әйелдің пәтеріне кіріп, ол жақтан алтын бұйымдарды, қол сағатты, ноутбуктты ұрлап, нәтижесінде миллион теңгеге жуық материалдық шығын келтірген. Сотқа дейінгі тергеу басталды. Тергеудің осы кезеңінде ұсталғандардың қаланың осы ауданында кемінде тағы екі ұрлыққа қатысы бар екендігі анықталды. Олардың жеке басын тексеру жалғасуда, – деді Алматы қалалық Полиция департаменті бастығының орынбасары Берік Әбілбеков.

Күдіктілер қамауға алынған. Олардың бірі – Алматы облысының тұрғыны болса, екіншісі – Шығыс Қазақстаннан келген.
 

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы