Алматы-Өскемен тасжолында жол апатынан бір адам қайтыс болды, деп хабарлайды BAQ.KZ Polisia.kz-ке сілтеме жасап.
Оқиға 14 наурыз күні Жетісу облысы Кербұлақ ауданында Toyota Carina және JAC N80 автомашиналарының соқтығысуынан болған.
Алдын ала анықталғандай, Toyota автокөлігінің 42 жастағы жүргізушісі Алматы-Өскемен трассасының 159 шақырымында жолды бөліп тұратын қоршауды соғып, инерция бойынша бір бағытта кетіп бара жатқан шағын литражды JAC жүк көлігімен соқтығысқан.
Жапон иномаркасында болған 68 жастағы әйел қаза тапты. Сондай-ақ оқиға орнынан 70 жастағы ер адам мен 62 жастағы әйел түрлі жарақаттармен ауруханаға жатқызылды, - делінген хабарламада.
