Алматы облысында атыс болып, бір адам қаза тапты. Бұл туралы Алматы облысы полиция департаментінің басшысы Бауыржан Аленов өзінің әлеуметтік парақшасында жазды, деп хабарлайды Алматыдағы BAQ.KZ тілшісі.
Полицияның мәліметінше, 7 қыркүйек күні Іле ауданынының ауруханасына төрт жергілікті тұрғын оқ жарақатымен түскен. Ауруханаға барар жолда бір адам қайтыс болған.
Аталған деректер ҚР ҚК 99-бабы (Кісі өлтіру) және ҚР ҚК 293-бабы 3-бөлігі (бұзақылық) бойынша тіркелді. Оқиғаға қатысушыларды полиция қызметкерлері анықтап, ұстады. Жағдайлар анықталуда. Қазіргі уақытта сараптамалық тексерулер тағайындаумен барлық қажетті тергеу шаралары жүргізілуде. Аймақтағы жағдай тұрақты және бақылауда, - деді Бауыржан Аленов.
Оқиға тұрғындар арасында дұшпандық қарым-қатынасқа байланысты болғаны анықталды. Жедел-іздестіру іс-шарасы барысында полиция қызметкерлері Алматы облысындағы оқыс оқиғаға қатысушыларды ұстады.
