Нұр-Сұлтан, BAQ.KZ. "Қазгидромет" РМК синоптиктері 13-15 ақпанға арналған ауа райы болжамын жариялады, деп хабарлайды BAQ.KZ.
13-14 ақпанда фронтальды бөлімдердің өтуінен елдің басым бөлігінде ауа райы тұрақсыз болады.
Жаңбыр аралас қар жауады, солтүстік өңірлерде қар жауады, бұрқасын, көктайғақ болады, сондай-ақ ауа температурасы батыста 5 аяз -5 жылыға дейін, солтүстік, орталық шығыс өңірлерде 5 аяз-2 жылыға дейін жоғарылайды.
15 ақпанда циклон Қазақстан аумағынан жылжып, оның соңынан арктикалық антициклон енеді, ол аязды республиканың солтүстік жартысына қайтарады.
Еліміздің батысында, солтүстік-батысында және солтүстігінде 15 ақпанда ауа температурасы түнде 22-32, күндіз 15-27 аязға дейін төмендейді деп күтілуде. Еліміздің қалған аумағында температуралық фонда күрт өзгерістер болмайды.
