Ахметов: Жылудан жылына 1,5 млрд теңге зиян келеді

9 Маусым 2021, 22:57
1178
Бөлісу:
Ахметов: Жылудан жылына 1,5 млрд теңге зиян келеді

Нұр-Сұлтан, BAQ.KZ. ШҚО әкімі Даниал Ахметов жұмыс сапарымен Семей қаласына барып, қазандықтарды жөндеу және қайта құру барысын бақылады. Бұл туралы өңір басшысы өзі мәлімдеді.

Ең бастысы, айта кеткім келетін мәселе, біз, қазір жабдықтарды ағымдағы жөндеу бойынша ғана емес, гигакалориялардың тапшылығын толтыру және өткен қыста Семей тұрғындары сезінген жайсыздықты болдырмау үшін осы қазандықтардың қуатын арттыру бағытында жұмыс істеп жатырмыз - деді ол.

Айта кету керек, 2020-2021 жылыту маусымының барлық қателіктері ескерілді, ақша алдын ала бөлінді және 1 қыркүйекке қарай барлық қазандықтар жұмысқа дайын болады. 

Мысалы, орталық қазандықтың қуаты 200 гигакалорияға ұлғайтылады, бұдан басқа, автожол көпірін қайта жаңарту жұмысы аясында магистральді жылыту мәселесін қарастырамыз. Тапшылық 70 гигакалориядан астам болған "Орталық" қазандығында жабдықты жөндеу 15 тамызға қарай аяқталады. Төрт қазандықтың екеуі жөндеуде, қалғандары сәл кейінірек. "РК-3" қазандығына ерекше назар аударылатын болады, өйткені ол Қарғайлы жаңа шағын ауданын жылумен қамтамасыз етеді, жаңа салынып жатқан объектілерге жету үшін оның қуатын арттыру қажет - деді облыс әкімі.

Жылу шығынына байланысты бірқатар сұрақтар туындап отыр. 

Жоғалған жылудан жылына бір жарым миллиард теңге көлемінде зиян келеді. Мәселені зерделеу керек. Сонымен қатар, мен тиісті ведомстволарға абоненттерге егжей-тегжейлі аудит және тексеру жүргізуді тапсырдым, жекелеген объектілер жылу желілеріне заңсыз қосылу және тұтынылатын энергия үшін төлем жасамау фактілері бар. Жалпы, қазандықтарды ауқымды қайта құру өткен жылы орын алған жағдайларды болдырмауға ғана емес, ең алдымен қазандықтардың қажеттіліктерін жабатын электр энергиясын өндіруге мүмкіндік беретінін атап өткім келеді - деді Даниал Ахметов.
Өзгелердің жаңалығы