Абай облысының полицейлері екі күнде 75-тен астам көлікті қар құрсауынан шығарды.
Абай облысында қыс мезгілі тек жүргізушілер үшін ғана емес, тәулік бойы жолдардағы қауіпсіздікті қамтамасыз ететін полицейлер үшін де сынақ болуда. Жыл басынан бері полицейлер 75-тен астам көлікті, оның ішінде жеңіл көліктерді, жүк көліктерін және автобустарды қар құрсауынан құтқарды.
Әрбір құтқару операциясы — патрульдік қызметкерлердің үйлесімді жұмысының, арнайы техниканың қолданылуының және жүргізушілердің көмегінің нәтижесі. Көп жағдайда полицейлер қолдарына күрек алып, жолды тазалап, көлікті қауіпсіз жерге шығарады.
Полицейлер жүргізушілерді ауа райының қолайсыздығын ескеруге, көліктің техникалық дайындығын тексеруге және қатты боран кезінде жолға шықпауға шақырады.
