Төтенше жағдайлар министрлігінің мәліметінше, қар құрсауынан 200-ден аса адам құтқарылды, деп хабарлайды BAQ.KZ.
Оның ішінде 9 бала. Құтқарылғандар Қалбатау ауылына жеткізілді. Оларға медициналық көмек қажет емес.
68303 әскери бөлімінің жеке құрамы Абай облысының ТЖД бірлесіп, халықты жылыту пунктіне эвакуациялау бойынша авариялық-құтқару жұмыстарын белсенді жүргізіп жатыр.
Жолшылар Абай облысындағы республикалық маңызы бар Омбы-Майқапшағай автожолында ауа райының қолайсыздығанан туындаған қиыншылықтармен күресіп жатыр.
Жұмыс 24\7 тәулік бойы үздіксіз жалғасып жатыр.
Аталған өңірде ауа райы тұрақсыз. Қалың қар жауып тұр, бұрқасын, көрініс шектелді.
