Ақтөбе қаласында екпеден бас тартқандар көп

3 Қыркүйек 2019, 09:29
1347
Бөлісу:
Ақтөбе қаласында екпеден бас тартқандар көп

Нұр-Сұлтан, BAQ.KZ. Темір, Мұғалжар, Байғанин аудандары мен Ақтөбе қаласы бойынша екпеден бас тартқандар көп. Бұл туралы аktobenews.kz сайтында хабарланды.

«Облыста арнайы топ жұмыс істеп жатыр. Құрамында дәрігерлер мен эпидемиолог мамандар бар. Көбіне діни көзқарастағы адамдар. Сондықтан мешіт, шіркеудің қызметкерлері ата-аналармен кездесіп, түсіндіру жұмыстарын жүргізеді. Вакцина алмаған балалар арасында жұқпалы дертке шалдыққандар бар. Мәселен, олар қызылшамен ауырды», - деді облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы Нұрсұлу Беркімбаева.

Айта кетейік, облыста 86 адам қызылшамен ауырған.

«Қызылша жұқтырған соң ата-аналар екпе алмағанына өкінді. Қазір мүлде екпе алмағандар келіп, вакцина жасатып жатыр», - деді Н.Беркімбаева.

Өзгелердің жаңалығы