Алматы, BAQ.KZ. Бұл жолы Америка билігінің санкциясына Иранның сегіз шенеунігі мен елдің бірқатар өнеркәсіп саласы ілікті. Бұл туралы 24.kz хабарлады.
Атап айтқанда, Вашингтон тау-кен, тоқыма және қайта өңдеу салаларына шектеу қойды.
Айта кетейік, жаңа санкция Тегеран мен Вашингтон арасындағы жағдай ұшыға түскеннен соң салынып отыр. 3 қаңтарда АҚШ Бағдадта әуе шабуылын жасап, Иран генералы Касем Сүлейманиді өлтірген еді. Кейін Иран Американың Ирактағы әскери базасына шабуыл жасаған болатын. 
