Бұл туралы Ішкі істер министрлігінің апталық брифингінде белгілі болды, деп хабарлайды BAQ.KZ тілшісі.
Қазақстанда өткен жылдың 1 қыркүйегіне дейін елге әкелінген шетелдік автокөлікті заңдастыру жалғасуда. Бүгінгі таңда 28 мың қазақстандықтың автокөліктерін заңдастыру мақұлданды. 5,5 мың автокөлік иесі тиісті құжаттар мен нөмірлік белгілерді алды. ХҚКО мен «электрондық үкімет» порталынан басқа, Halyk Homebank қосымшасында автокөлікті заңдастыруға өтінім беруге болады. Порталда «мемлекеттік қызметтер» бөлімі үшін «шетелдік көлікті заңдастыру» тармағын таңдап, алдыңғы иесі туралы барлық деректерді және автокөлік деректерін толтыру қажет, - деп атап өтті ведомство өкілі Шұғыла Тұрлыбек.
Айтуынша, өтінімге қол қойылғаннан кейін ол алдын ала тексеру үшін ІІМ-ге жіберіледі.
Нәтиже өтініш берушіге push-хабарлама түрінде келеді. Оң нәтиже болған жағдайда клиентте VIN-кодты салыстыру үшін «арнайы ХҚКО-да кезекті брондау» батырмасы пайда болады. Әрі қарай, арнайы ХҚКО-ға барудың қолайлы күні мен уақытын таңдау қалады. Нөмірлік агрегаттарды салыстыру рәсімінен сәтті өткеннен кейін автокөлік иесіне 200 000 теңге мөлшерінде бастапқы алымды, мемлекеттік баждарды және қажет болған жағдайда кедендік баждарды төлеу ғана қалады. Тіркеу бекітілгеннен кейін автомобиль иесіне қазақстандық техпаспорт және жария етілген көлікке мемлекеттік нөмір берілетін болады, - деді Шұғыла Тұрлыбек.
Бұл сервисті банк Ішкі істер министрлігі және Цифрлық даму, инновациялар және аэроғарыш өнеркәсібі министрлігінің қолдауымен іске қосқаны белгілі болды.
