Мемлекет басшысының жылдың соңына дейін кемінде 5 миллион гектар жерді қайтарып алу жоспары мерзімінен бұрын орындалды. Бұл туралы Ауыл шаруашылығы вице-министрі Әбілхайыр Тамабек мәлімдеді, деп жазады BAQ.KZ тілшісі.
Халық малын жаю үшін жайылым тапшылығы проблемасын шешу үшін шаралар қабылдап жатыр. Бірінші кезекте ауылдық елді мекендердің шекаралары мемлекетке қайтарылған жайылымдық алқаптар мен жерлер, сондай-ақ мемлекет мұқтажы үшін алынған жерлер есебінен кеңейтіледі. Ауыл шаруашылығы құралымдарымен олардың жайылымдарын жеке қосалқы шаруашылықтардың уақытша пайдалануы туралы меморандумдар жасалады. Жайылымдарды басқару жөніндегі іс-шаралар шеңберінде оларға босалқы жерлерден жайылымдық алқаптар бере отырып, жеке қосалқы шаруашылықтардың кооперациясы бойынша жұмыс жүргізілмек, - деді Әбілхайыр Тамабек Ауыл шаруашылығы министрлігінің кеңейтілген алқа отырысында.
Ол жер қатынастарын реттеу бойынша үлкен жұмыс жүргізілгенін атап өтті. Вице-министрдің айтуынша, Мемлекет басшысының жылдың соңына дейін кемінде 5 миллион гектар жерді қайтарып алу жоспары мерзімінен бұрын орындалды.
Сондай-ақ Тамабектің сөзінше, өткен жылмен салыстырғанда тексерулер саны 9 есеге, ал тексерумен қамтылған аумақ 21 есеге өскен.
Тексерулер жер пайдаланушыларға жерді игеруді жандандыруға түрткі болды. Олар қазірдің өзінде шамамен 1,8 млн гектар жерді игеруді бастады, бұл өткен жылмен салыстырғанда 6 есеге артық, - деді ол.
