2022 жылы саяхаттауға ең қауіпті елдер анықталды
30 Қаңтар, 19:26 872

2022 жылы саяхаттауға ең қауіпті елдер анықталды

Нұр-Сұлтан, BAQ.KZ. Венесуэла 2022 жылы әлемдегі ең қауіпті саяхат елі деп танылды. Бұған әртүрлі мемлекеттің қылмыс статистикасын салыстыратын Numbeo аналитикалық қызметінің мәліметтері дәлел бола алады.

Толық есеп ұйымның ресми сайтында жарияланған.

Мамандардың айтуынша, республикадағы қылмыс индексі 83,58-ге, ал қауіпсіздік индексі 16,42-ге жеткен. Анти-рейтингте екінші орынды Папуа-Жаңа Гвинея алды. Онда қылмыс индексі шамамен 81, одан кейін Ауғанстан (77) және Оңтүстік Африка (76) елдері тұр.

Сонымен қатар, саяхатшылар үшін қауіпті елдер Гондурас (74,1), Тринидад және Тобаго (71,3), Гайана (68,9), Сальвадор (68,6), Ямайка (67,8) екені анықталды. Туристер мүмкіндігінше абай болу керек, Сирияда қылмыс индексі 67,4-ті көрсетті. Ол осы тізімдегі ондықты түйіндеп тұр.


Фото: ашық дереккөз
Загрузка...