18 маусымға арналған ауа райы болжамы

18 маусымға арналған ауа райы болжамы
669

Нұр-Сұлтан, BAQ.KZ. «Қазгидромет» РМК синоптиктері 18 маусымда болатын ерекше метеорологиялық құбылыстарға болжау консультациясын жариялады.

ҚР аумағының басым бөлігіне әлі де атмосфералық фронтальды бөлімдер өз әсерін тигізеді, осыған байланысты тұрақсыз ауа райы сақталады: найзағай ойнап, жаңбыр жауады, сондай-ақ бұршақ, дауыл күтіледі. Еліміздің солтүстік-шығысында ауа райы көбінесе жауын-шашынсыз болады.

Республика бойынша желдің күшеюі, оңтүстік-батыста - шаңды дауыл күтіледі.

Алматы облысының шығысында, таулы аудандарында жел 15-20, облыстың шығысында екпіні 25 м/с күшеюі күтіледі. Жамбыл облысының оңтүстігінде, таулы аудандарында - бұршақ, дауыл, облыстың солтүстік-шығысында, таулы аудандарында желдің 15-20 м/с күшеюі күтіледі.

Маңғыстау облысының оңтүстігінде, шығысында, батысында жел 15-20 м/с күшеюі, шаңды дауыл күтіледі. Күндіз Түркістан облысының таулы аудандарында дауыл, желдің 15-20 м/с күшеюі күтіледі.

Ақтөбе облысының шығысында, солтүстігінде, оңтүстігінде, Атырау облысының шығысында, күндіз Қызылорда облысының батысында, орталығында, Шығыс Қазақстан облысының оңтүстік-батысында, солтүстігінде, шығысында, Батыс Қазақстан облысының шығысында желдің 15-20 м/с күшеюі күтіледі.

Түнде және таңертең Солтүстік Қазақстан облысының батысында тұман күтіледі.

Күндіз Қостанай облысының оңтүстігінде қатты ыстық күтіледі.

Қызылорда облысында, Шығыс Қазақстан, Алматы облыстарының батысында, Ақтөбе облысының оңтүстігінде, шығысында, Атырау облысының оңтүстігінде, батысында, Қарағанды облысының батысында, шығысында, Түркістан облысының оңтүстік-шығысында, Жамбыл облысының орталығында төтенше өрт қаупі сақталады.


Фото: ашық дереккөз