Қарағандылықтарды 1 маусымда Балаларды қорғау күні өтетін дәстүрлі арба шеруіне қатысуға шақырады, деп хабарлайды BAQ.KZ облыс әкімдігінің баспасөз қызметіне сілтеме жасап.
Ата-аналар балаларының көлік құралдарын түрлі-түсті және креативті түрде безендіруі керек. Безендіру кезінде кез-келген материалдарды пайдалануға болады: маталар, картон, қағаз және басқалар.
Қатысуға өтінімдер 29 мамырға дейін мына нөмірлер бойынша қабылданады: 8-708-851-66-05, 8-705-619-15-10, 8-707-121-83-99 және 41-27-26. Баланың, ата-ананың атын, арбалар мен костюмдерді безендірудің негізгі идеясын көрсету қажет.
Ата-аналар мен олардың сәбилерін жинау 1 маусымда сағат 13.00-де Кеншілер мәдениет сарайының алдындағы алаңда болады. Биылғы арбалар шеруі оныншы рет өтеді.
