"Зор жетістік". Тоқаев әлем чемпионы атанған жас шахматшыны құттықтады

14 Маусым 2024, 17:31
1148
Бөлісу:
"Зор жетістік". Тоқаев әлем чемпионы атанған жас шахматшыны құттықтады
Фото: Спорт және дене шынықтыру істері комитеті

Мемлекет басшысы Шахматтан жастар арасындағы әлем чемпионы Қазыбек Нөгербекті құттықтады, деп хабарлайды BAQ.KZ тілшісі.

Бұл туралы Ақорданың баспасөз қызметі мәлім етті.

Президент Қасым-Жомарт Тоқаев Үндістанның Гандинагар қаласында өткен халықаралық жарыста әлем чемпионы атанған Қазыбек Нөгербекке құттықтау жеделхатын жолдады.

Ел намысын қорғап, үздік шахматшы ретінде гроссмейстер дәрежесін иеленіп, жеңімпаз атану – зор жетістік. Ұлтымыздың абыройын асқақтататын өзің сияқты алғыр да ақылды ұрпақтың өсіп келе жатқаны қуантады. Алдағы уақытта да жарқын жеңістерге және арман-мақсаттарыңа жете беруіңе тілектеспін, – делінген жеделхатта.

Өзгелердің жаңалығы