Жыл басынан бері МСҚ халыққа тегін қызмет көрсеткен клиникаларға 464 мрд теңге төледі

13 Маусым 2019, 15:57
1707
Бөлісу:
Жыл басынан бері МСҚ халыққа тегін қызмет көрсеткен клиникаларға 464 мрд теңге төледі

Нұр-Сұлтан, BAQ.KZ. «Әлеуметтік медициналық сақтандыру қоры» КЕАҚ жыл басынан бері мемлекеттік тапсырыс бойынша көрсетілген қызметтер үшін 464 млрд теңге төледі. 

Медициналық сақтандыру қорының баспасөз қызметі таратқан ақпаратқа сүйенсек, қаржы кепілдендірілген тегін медициналық көмек пакеті (ТМККК) аясында бөлінді.

«2019 жылдың 12 маусымындағы мәліметтер бойынша, Қормен келісімшарт бекіткен жеткізуші компанияларға 464 млрд теңге төленді. Бұл кепілдендірілген медициналық көмек пакеті шеңберінде бекітілген келісімшарттардың жалпы сомасының 53,5 проценті», - деді МСҚ басқарма төрағасының орынбасары Ботагөз Жақселекова.

2019 жылы МСҚ кепілдендірілген көмек түрлерін көрсетуге құлшыныс білдірген медицина ұйымдарымен 868 млрд теңгенің келісімшартын бекіткен болатын. Бұл өткен жылы бөлінген қаржыдан 6% артық.

Жыл басынан бері МСҚ халыққа тегін қызмет көрсеткен клиникаларға 464 мрд теңге төледі

«Жұмыс кестеге сай жүріп жатыр. Бөлінген қаражат медицина мекемелерінің операциялық шығындарын өтеуге жеткілікті», - деді Ботагөз Жақселекова.

Хабарламаға сүйенсек, биыл мемлекеттік тапсырысты орындауға 1416 медицина ұйымы атсалысып жатыр. Оның ішінде 708 жекеменшік клиника да бар. Биыл олардың саны 2018 жылмен салыстырғанда 64-ке артқан.

Мемлекеттік тапсырысты алған жеке меншік клиникалар саны жағынан Шымкент, Нұр-Сұлтан, Алматы қалалары мен Қызылорда және Жамбыл облыстары көш бастап тұр.

Естеріңізге сала кетсек, МСҚ 2018 жылдан бастап ТМККК және міндетті әлеуметтік медициналық сақтандыру (МӘМС) пакеттерінің қаржылық операторы болып табылады және халыққа көрсетілетін медициналық қызметтерді ҚР Үкіметі бекіткен тәртіп бойынша сатып алады.

Өзгелердің жаңалығы