Жыл басынан бері Астанада көлік апатынан 3 адам қаза тапты, деп хабарлайды BAQ.KZ ПД баспасөз қызметіне сілтеме жасап.
Астана қаласының Полиция департаменті ауа райының қолайсыздығына байланысты жол қозғалысының барлық қатысушысына барынша мұқият және сақ болуды ескертеді.
Тек соңғы тәулікте шамамен 181 материалдық шығын келтірілген ЖКО (жол-көлік оқиғасы) тіркелді.
Жаяу жүргіншілер де жолда абай болу керек, себебі олардың жолды өту ережелерін бұзуы да жиі ауыр зардаптарға әкеледі.
Биыл белгіленген талаптарды бұза отырып, жол бөлігін кесіп өткен 11 жаяу жүргіншіні басып кету фактісі тіркелді, барлық 11 жаяу жүргінші дене жарақатын алды. Жыл басынан бері 35 ЖКО (жол-көлік оқиғасы) тіркелді, нәтижесінде 3 адам қаза тауып, 39 адам түрлі дәрежедегі дене жарақатын алған, - делінген ПД баспасөз қызметі хабарламасында.
Жол-көлік жарақаттануының алдын алу мақсатында елордалық полицейлер жыл басынан бері 16 мыңнан астам жол қозғалысы ережелерін бұзудың жолын кесті, 213 мас жүргізуші ұсталды, 1 600-ден астам жол ережесін бұзушы-жаяу жүргіншіге айыппұл салынды.
Мемлекеттік нөмірлері жалған 13 жүргізуші және мемлекеттік нөмірлері жоқ көлікті басқарғаны үшін 86 жүргізуші ұсталды.
