2023 жылғы 4 наурыз күні зиялы қауым мен БАҚ қызметкерлері арасында Жолдасбек Дуанабай атындағы дәстүрлі бильярд турнирі өтті, деп хабарлайды BAQ.KZ.
Аталған іс-шараны AIQYN, «Литер» және Turkistan газеттері қазақ басылымдарына елеулі еңбек сіңірген белгілі журналист, Б.Бұлқышев атындағы сыйлықтың лауреаты, мәдениет қайраткері Жолдасбек Дуанабайдың құрметіне ұйымдастырылды.
Турнирде жалпы саны 50-ден аса адам 55 жасқа дейінгі және кейінгі екі санат бойынша бақ сынады. Әр санатқа үш бағалы жүлдеден тағайындалды. Одан бөлек, белсенді қатысушыларға арнайы сыйлықтар берілді.
Турнирдің бас төрешісі – ҚР Жоғары ұлттық дәрежедегі төреші Несіп Жүнісбайұлы болды.
