Жетісу облысында құтқарушылар таулы жерде туристі тапты
Құтқарушылар ер адамды қауіпсіз жерге жеткізіп, кейін таудың етегінде қалдырылған автокөлігіне дейін алып барды.
23 Тамыз 2026, 00:36
689
Фото: depositphotos.com
Жетісу облысының Ақсу ауданында ТЖМ құтқарушылары бірнеше күн бойы таулы жерде болған ер адамды тапты.
19 тамызда ер адам тауға барып, екі күннен кейін қайтуды жоспарлаған. Үшінші күні ол байланысқа шықпай, үйіне оралмаған соң, туыстары бұл туралы «112» пультіне хабарлаған.
Іздеу жұмыстарына ТЖМ қызметкерлері мен «Қазавиақұтқару» АҚ тікұшағы жұмылдырылды. Ер адам теңіз деңгейінен шамамен 2000 метр биіктіктегі таулы жерде шатырдың ішінен табылды. Оның жағдайы қанағаттанарлық, медициналық көмек қажет болмады.
Құтқарушылар ер адамды қауіпсіз жерге жеткізіп, кейін таудың етегінде қалдырылған автокөлігіне дейін алып барды.
Ең оқылған:
- Қазақстан Әскери-теңіз күштерінің бұрынғы бас қолбасшысы ұсталды
- Қазақстанның алты өңірінде жүргізушілерге қар жауатыны туралы ескерту жасалды
- Алматы облысында балаларды көлігімен қағып, оқиға орнынан кетіп қалған жүргізуші ұсталды
- «Соңғы бірнеше айда қиын кезеңді бастан өткерген»: Алматыда пәтерден 33 жастағы ер адамның денесі табылды
- Қар жауып, үсік жүреді: 7 қазанға ауа райы болжамы