Жеңілдетілген автокредитпен жұмыс істейтін автосалондардың азаматтардан 30 пайыз алдын ала төлем талап етуі қаншалықты заңды? Бұл туралы индустрия және инфрақұрылымдық даму министрі Қайырбек Өскенбаев мәлімдеді, деп хабарлайды BAQ.KZ тілшісі.
Біз қазір оның заңды не заңсыз екенін тексеріп жатырмыз. Автосалондар жеке меншікте. Олар өз бизнесін өздері құрады. Бірақ мемлекет бөлген қаражат бойынша олардың бұлай істеуге ешқандай құқығы жоқ. Біз қазір бүкіл автосалон иелеріне ақпарат бердік. Олар мұндай талап қойылғанын үзілді-кесілді теріске шығарып отыр, - деп жауап берді Қайырбек Өскенбаев.
