Астана, baq.kz. Қырғызстан президент Сооронбай Жээнбеков Сокулук ауданының тұрғындарымен кездесу барысында өңірде жемқорлықпен күрес тоқтамайтынын айтты. Бұл туралы Қырғыз президентінің ақпараттық саясат бөлімі хабарлады.
"Өңірдегі жемқорлық біз ойлағаннан әлдеқайда тереңдеп кеткен екен. Көп қылмыстың беті ашылды. Бұл басы ғана, алдағы уақытта мұанан да көп жемқорлықтың беті ашылатын болады" - деді президент өз сөзінде.
Сонымен қатар, Жээнбеков экономикалық мәселелерге де тоқталып, жаңадан құрылған шағын бизнес иелерінің қадағалаушы органдар тексеруінен үш жылға дейін босатылатынын айтты. Бұдан бөлек президент орыс-қырғыз даму қоры арқылы 1646 жоба қаржыландырылғанын және 300 млн долларға жуық қаржы жұмсалғанын атап өтті.
