Нұр-Сұлтан, BAQ.KZ. Украина президенті Владимир Зеленский 5 наурызда АҚШ президенті Джо Байденмен, SpaceX және Tesla негізін қалаушы Илон Маскпен телефон арқылы сөйлесті. Бұл туралы Украина басшысы Twitter-де жазды.
Зеленский әңгіме барысында Ақ үй басшысымен қауіпсіздік, Украинаны қаржылық қолдау және Ресейге қарсы санкцияларды жалғастыру мәселелерін талқылағанын айтты.
Украина президенті Илон Маскпен не туралы сөйлескенін айтты.
Илон Маскпен сөйлестім. Мен оған Украинаны сөзбен де, іспен де қолдағаны үшін ризамын. Келесі аптада біз қираған қалаларға арналған Starlink жүйелерінің тағы бір партиясын аламыз, - деді Зеленский. Оның сөзінше, олар ғарыштық жобаларды да талқылаған.
