Шілде әдетте ең ыстық ай, сондықтан күн сәулесінен қорғану керек. Қазгидромет мамандары да осы аптада ауа температурасы 43 градусқа дейін жоғарылайтынын ескертті, деп хабарлайды BAQ.KZ.
Егде жастағы адамдардың, емшектегі балалардың, ашық ауада жұмыс істейтін және созылмалы аурулары бар адамдардың жай-күйі қатты ыстыққа тап болады.
Ауа температурасының қатты көтерілуі адамды әлсіретеді. Сонымен қатар жүрек-қан тамырлары, тыныс алу, бүйрек және психикалық ауруларды асқындыруы мүмкін.
Ыстықтан қорғану үшін не істеу керек
Күннің ең ыстық уақыты - сағат 12:00-ден 16:00-ге дейін. Аса қажеттілік болмаса далаға шықпауға және үлкен физикалық күш салуды қажет ететін істермен айналыспауға тырысу қажет.
Табиғи маталардан жасалған ашық түсті жеңіл және кең киім кию керек. Жеңіл шляпалар, күннен қорғайтын көзілдірік тағып, өзіңізбен бірге су бөтелкесін алып жүріңіз.
Организмді шөлден қорғау үшін үнемі су немесе жылы шай, жеміс шырындарын ішу керек.
Косметика қолданбай, теріге күнге күюге қарсы заттарды жаққан абзал.
Ыстық күнде ас мәзірінен майлы, қуырылған және тәтті тағамдарды алып тастауға тырысқан жөн.
