Нұр-Сұлтан, BAQ.KZ тілшісі. Білім және ғылым вице-министрі Шолпан Каринова жалақысының сомасын айтты.
Қанша алатынымды айта аламын, әрине. Жалақы жүйесі бойынша еңбекақы мемлекеттік қызметтегі өтіліне байланысты төленеді. Бүгінде менің жалақым – 600 мың теңге, - деді білім және ғылым вице-министрі.
Шолпан Каринова бұл лауазымға 31 тамыз күні тағайындалды. Еңбек жолын ауыл мектебі мұғалімінен бастап, колледж оқытушысы, мектеп директоры, білім басқармасының басшысы қызметтерін атқарды. Вице-министр қызметіне тағайындалар алдында "Назарбаев зияткерлік мектептері" АҚ педагогикалық шеберлік орталығы директорының орынбасары лауазымын атқарды.
Бұған дейін хабарлағанымыздай, ҚР білім және ғылым вице-министрі Шолпан Каринова интернетпен қамтылмаған ауыл мектептері қағаз журналдарды қолдана беретінін айтып, kundelik.kz дауына нүкте қойған болатын.
Сондай-ақ, вице-министр оқушылардың білімін критериалдық бағалаудың артықшылығы туралы айтып, ата-аналардың петициясына жауап берді.
