Нұр-Сұлтан, BAQ.KZ. Бұл сұраққа ҚР Мемлекеттік қызмет істері агенттігінің Ақмола облысы бойынша департаменті мемлекеттік қызмет саласындағы бақылау басқармасының басшысы Қайыржан Сұлтанғазиев бүгінгі брифинг барысында жауап берді.
Оның айтуынша, Департаментпен КЕБЖ (кіргізуді есепке алуды бақылау) жүйесінің мәліметтерін зерттеу, профилактикалық мониторинг жүргізу арқылы мемлекеттік қызметшілердің үстеме жұмыс жасауы фактілерінің алдын алу бойынша жоспарлы жұмыс жүргізілуде.
Профилактикалық шаралардың қорытындыларына сәйкес мемлекеттік қызметшілердің үстеме жұмыс жасауының дербес фактілері анықталды. Мысалы, ағымдағы жылдың ақпанындағы КЕБЖ мәліметтеріне сәйкес мемлекеттік қызметшілердің сағат 18:30-дан әрі қарай жұмыс орындарында қалу уақыты шамамен 70 сағатты құрап отыр. Барлық материал үстеме жұмыстың себептерін анықтап, тиісті шаралар қабылдау үшін еңбек инспекциясына жіберілді, - деп атап өтті Сұлтангазиев.Спикер мемлекеттік органдардың жұмысында жүргізілген талдау нәтижелеріне тоқталып өтті. Талдау нәтижелеріне сәйкес мемлекеттік органдарда жұмыс уақыты аяқталғаннан кейін жұмыс орнында қалу, сонымен қатар демалыс және мерекелік күндері жұмысқа шығу фактілері бар. Олардың себебі қызметкерлер арасында жүктеменің біркелкі бөлінбеуі, жұмыс уақытының тиімсіз пайдаланылуы, басшылар мен жоғары тұрған мемлекеттік органдардың қысқа мерзім ішінде орындауды талап ететін "шұғыл" тапсырмалары.
"Әкімшілік құқық бұзушылық туралы" Кодексте үстеме жұмысқа, мереке және демалыс күндеріндегі жұмысқа ақы төлеу, сондай-ақ түнгі уақыттағы еңбекке ақы төлеу жөніндегі еңбек заңнамасының талаптарын бұзғаны үшін айыппұл түрінде лауазымды тұлғалардың жауапкершілігі қарастырылғанын атап өткен жөн, - деп мәлімдеді спикер.
Бұл ретте, егер жұмыстан тыс уақытта, демалыста немесе мерекелік күндері жұмысқа шығу қажеттілігі туындаса, онда заңнаманың талаптарына сәйкес жұмысшының жазбаша келісімі алынып, сәйкестендірілген бұйрық шығарылуы тиіс. Мұндай жағдайларға эпидемиологиялық, төтенше, табиғи,
техногенді жағдайлар, табиғи апаттар және уәкілетті органдардың шұғыл әрекет етуін талап ететін басқа жағдайлар жатады.
Заңнама талаптарына сәйкес кейінге қалдыруға келмейтін, алдын ала болжамдау мүмкін емес жұмыстарды атқару үшін мемлекеттік қызметшілер Қазақстан Республикасының еңбек заңнамасына сәйкес үстеме жұмысқа, не болмаса демалыс және мерекелік күндері жұмысқа тартыла алады. Бұл жағдайда оларға демалыс күндері (сағаттары) беріледі немесе жұмыс мемлекеттік қызметшілердің еңбекақы төлеу жүйесіне сәйкес өтеледі.
Соңында спикер осы бағыттағы жұмыстың жалғасатынын атап өтті.
