Елімізде 3 жылдың ішінде 1 103 адам суға батып кеткен, олардың 321-і балалар, деп хабарлайды BAQ.KZ тілшісі.
Бұл туралы Орталық коммуникациялар қызметі алаңында өткен брифингте ТЖМ Азаматтық қорғаныс және әскери бөлімдер комитетінің төрағасы Бауыржан Сыздықов мәлімдеді.
1 маусымнан бастап елімізде шомылу кезеңі басталатынын еске сала кетейік.
Атқарылып жатқан кешенді жұмыстардың арқасында жыл сайын суға батып қайтыс болғандар саны азайып келеді. Мысалы, 2021 жылы 3 пайызға, 2022 жылы 42 пайызға азайды. Десе де, әрбір құрғақ статистиканың артында адам өмірі мен жақындарының қайғысы тұрғанын ұмытпауымыз керек, - деп айтты ол.
Оның айтқан мәліметінше, соңғы 3 жылда 1 103 адам суға батып кеткен, олардың 321-і балалар.
Бұған дейін хабарлағанымыздай, ТЖМ судағы өлімнің басты себебін атады.
