Үш тоқсанда Қазақстаннан шетелге 550 млрд теңге аударылған

12 Қараша 2020, 15:00
1131
Бөлісу:
Үш тоқсанда Қазақстаннан шетелге 550 млрд теңге аударылған

Алматы, BAQ.KZ.  Ел тұрғындары биылғы үш тоқсанда ақша аударым жүйесі арқылы рекордтық көлемде 550 миллиардтан астам  теңге аударған. Бұл туралы сараптамалық Ranking.kz порталы хабарлады. 

Бұл көрсеткіш өткен жылмен салыстырғанда 16,6%-ға жоғары. 

Ақша аударымдарының басым көпшілгі Ресейге тиесілі, отандастарымыз бұл елге 149,5 миллиард теңге аударған. Екінші орында Қырғызстан тұр, бұл елге аударым көлемі екі есе өсіп, 119,3 миллиард теңгені құраған. ТОП-3-ті Өзбекстан түйіндеген, ол елге 112,3 миллиард теңге аударылған.

Халықаралық ақша аударымдарының 80%-ы «Золотая Корона» жүйесі арқылы жасалған. Одан кейін Western Union мен Contact жүйесі тұр.

Өзгелердің жаңалығы