Нұр-Сұлтан, BAQ.KZ. «Қазгидромет» РМҚ алдағы үш күнге, яғни 21-23 желтоқсанға арналған ауа райы болжамын жариялады.
21-23 желтоқсан кезеңінде Қазақстанға Солтүстік-Батыс циклоны мен атмосфералық фронтальды бөлімдер әсер етеді. Соның ықпалынан ауа райы тұрақсыз болады, жаңбыр мен қар түрінде, оңтүстікте негізінен жаңбыр түрінде жауын-шашын өтеді.
Республика бойынша тұман, көктайғақ, сондай-ақ 15-25 м/с дейінгі екпінді жел, солтүстік жартысында бұрқасын болады.
23 желтоқсанға жақын, Қара теңіз аудандарынан антициклон шығып, температура төмендейді: батыста түнде 8...23 аяз, күндіз 5...15 аяз, солтүстікте, шығыста және орталықта түнде 5 ...15 аяз, күндіз 0...8 аяз, оңтүстік және оңтүстік-шығыс жартысында түнде 5 аяз...5 жылы, күндіз 0...10 жылы болады.
