Алматы, BAQ.KZ тілшісі. Алматы қаласы №11 емхананың уролог дәрігері Олжас Оңғарбеков ерлердегі бедеулікке қандай факторлар әсер ететінін айтып берді. Бұл туралы №11 қалалық емхананың баспасөз қызметі хабарлады.
Маманның айтуынша, бедеулікке әкелетін фактордың бірі – созылмалы простатит. Дәрігер атап өткендей, простатит қазір әлдеқайда «көбейіп» кеткен.
Егер бұрын мұндай аурумен 25 жастан асқан ер адамдар емделсе, бүгінде 20 жастан асқан жастар да осы аурумен ауырады, - дейді дәрігер.
Простатит – бұл қуықасты безінің тіндеріне әсер ететін қабыну процесі. Бұл аурудың қайталануының көптеген себептері бар, солардың бірі - салқын тию.
Қазір жастар қыста тіпті кроссовка киеді. Сондықтан, соңғы кезеңде жастарда қуықасты безінің проблемалары 20 жастан кейін басталды. Алайда олар бірден маманға жүгінбейді. Мұнда 6 айдан кейін жіті простатит созылмалы түрге ауысатынын атап өткім келеді, ол қазірдің өзінде мерзімді рецидивтермен ұзаққа созылған курспен сипатталады. Мұның бәрі ер адамды бедеулікке әкелуі мүмкін,- деп бөлісті маман.
Олжас Оңғарбековтың айтуынша, жіті простатиттің негізгі емі – дәрі-дәрмекпен емдеу, егер ол қазірдің өзінде екінші немесе одан да үлкен сатысы болса, шұғыл түрде оперативті араласу қажет.
Уақытылы және кешенді емделмеген қуықасты безінің қабынуының кейбір салдары тек денсаулыққа ғана емес, науқастың өміріне де қауіп төндіреді, өйткені онкологиялық патология дамуы мүмкін.
Сондықтан дәрігер простатиттің алғашқы белгілерінде урологпен байланысуды ұсынады. Сондықтан үнемі профилактикалық тексерулерден өту керек.
