Алматы облысында "Алматы-Бішкек" автожолында BMМ автокөлігін тінту барысында ақ ұнтақ зат және травматикалық тапанша табылған, деп хабарлайды BAQ.KZ.
Алматы облысы Қарасай ауданының полиция қызметкерлері "Алматы-Бішкек" автожолында BMМ автокөлігін тоқтатқан. Тінту барысында автомобиль жолаушысынан ерекше иісі бар ақ ұнтақ зат тәркіленді. Сондай-ақ басқа жолаушыдан МК-471С травматикалық тапаншасы тәркіленді. Қазір сот-химиялық сараптама тағайындаумен қатар тергеу әрекеттері жүргізіліп жатыр. Аталған деректер ҚР ҚК 287-бабының 3-бөлігі және 296-бабының 4-бөлігі бойынша тіркелді, - делінген ІІМ таратқан ақпаратта.
Еске салсақ, 2 маусымда "Алтын Орда" базары директорының орынбасары ұсталғаны белгілі болды. Ұсталғандарға қатысты ҚР ҚК 287-бабы "Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру" бойынша сотқа дейінгі тергеу басталғаны хабарланды.
