Үкімет елдегі жағдайды тұрақтандыру үшін жедел шараларды іске асыруда
21 Қаңтар, 20:35 647

Үкімет елдегі жағдайды тұрақтандыру үшін жедел шараларды іске асыруда

Нұр-Сұлтан, BAQ.KZ. Президенттің Үкімет алдына қойған барлық тапсырмасы орындалатынды. Бұл туралы бүгін ҚР Премьер-министрі Әлихан Смайылов Мемлекет басшысының отандық бизнес өкілдерімен кездесуінде айтты, деп хабарлайды ҚазАқпарат.

Жақында орын алған оқиғалар аясында Мемлекет басшысының тапсырмасы бойынша Үкімет елдегі әлеуметтік-экономикалық жағдайды тұрақтандыру үшін жедел шараларды іске асыруда. Біздің міндетіміз – зардап шеккен бизнес субъектілерінің жұмысын тез арада қалпына келтіру. Осыған байланысты, біз осы жұмысқа ірі бизнесті қатысуға шақырамыз, - деді Әлихан Смайылов. 

Үкімет басшысы қазіргі кезде ағымдағы жоспарлар қайта қаралып жатқанын атап өтті. 

Сондай-ақ Президент тапсырмаларын ескере отырып, өзекті әлеуметтік-экономикалық мәселелерді шешуге бағытталған қажетті шараларды қамтитын 2022 жылға арналған Үкіметтің іс-қимыл бағдарламасы әзірленуде, - деді ол. 

Әлихан Смайылов Президенттің Үкімет алдына қойған барлық тапсырмасы орындалатындығын да баса айтты. 

Біз еліміздің әлеуметтік-экономикалық дамуы үшін бизнеспен бірлесіп белсенді жұмыс жасаймыз, - деді Премьер-министр.


Фото: ашық дереккөз
Загрузка...