ТЖМ тікұшағы ауыр жарақат алған баланы Талдықорғанға жеткізді

ТЖМ авиациясы ауыр жарақат алған баланы санитарлық авиация арқылы медициналық мекемеге жеткізді.

«Қазавиақұтқару» әуе кемесі Талдықорған – Қабанбай – Талдықорған бағыты бойынша арнайы рейс орындады.

Бала Талдықорған қаласындағы медициналық ұйымға жеткізіліп, реанимация бөліміне жатқызылды.

Ұшу кезінде медицина қызметкерлері баланың жағдайын үздіксіз бақылап, қажетті медициналық сүйемелдеуді қамтамасыз етті.