Нұр-Сұлтан, BAQ.KZ. Онлайн бақылау-касса машиналары штаттық режимде жұмыс істеп тұр. Кәсіпкерлер ғаламтор жұмыс істемеген жағдайда онлайн бақылау-касса машиналардың фискалдық чектерінің орнына тауар чектерін көрсете алады деп хабарлайды Мемлекеттік кірістер комитетінің баспасөз қызметі.
Сондай-ақ онлайн-БКМ бойынша «Тауар чектерінің» кітабын мемлекеттік кірстер органдарында тіркеу және желі пайда болғанда берілген тауар чектерін онлайн бақылау-касса машиналарына енгізу қажеттілігі жоқ. Тек салық есептерін тапсыру кезінде ақшалай есеп-айырысуды есептілікте көрсетсе жеткілікті.
Тауар чегі – ақшалай есеп айырысу негіздеуі фактісін растайтын бастапқы есептілік құжаты, бақылау-касса машиналардың техникалық ақауы жағдайларында немесе электр қуаты болмағанда қолданады.
Бұл ретте, кәсіпкер тауар чегінде өткізілген тауарларлардың, көрсетілген қызметтердің атауы мен санын көрсетпестен, сомасын ғана көрсетуіне болады. Айыппұл санкциялары қолданылмайды.
