Тұрсынбай Құлахмет әлемдік рейтингте бірден 48 сатыға жоғарылады

Нұр-Сұлтан, BAQ.KZ. Бұрын жеңілмеген венесуэлалықты 72 секундта нокаутқа түсірген қазақстандық боксшы Тұрсынбай Құлахмет BoxRec рейтингінде 48 саты жоғарылады, деп хабарлайды Vesti.kz.

Бұл айқасқа дейін Тұрсынбай бірінші орта салмақ рейтингінде 187-ші орында болған, ал қазір 139-шы. Ал 20 жеңіске жетіп, алғаш рет жеңілген Рондон 36 саты құлдырап, 184-тен 220-ға түсті.

Дубайда өткен кездесуде Тұрсынбай Құлахмет мансабында жиырма жекпе-жек өткізіп, барлығында жеңіске жеткен венесуэлалық Хебер Рондонды нокаутқа жіберген болатын. Бұл күні Жанқош Тұраров та рингке шығуы керек еді, бірақ қазақстандыққа коронавирус диагнозы қойылды.